Login to your account

Username *
Password *
Remember Me

Еицырдыруа аҧсуа рҿиаҩы Анатоли Лагәлаа 60-шықәса ихыҵит

 

Ҳаҭыр зқәу Анатоли Ианкәа-иԥа!

Аԥсуаа еснагь ибзианы ирдыруан ажәа алшара ду. Пату рзиқәын уи аҽыццышә еиԥш изырхәмаруаз, аӷәра аҿакра ма ахы иақәиҭны аужьра зылшоз. Иахьагьы уи абзиабара ашәышықәсақәеи азқьышықәсақәеи ирылыхәхәа ршьа-рда ишалоу иаанханы иҟоуп. Уи ус шакәу азы шаҳаҭра ауеит, хаҭала, уара, Анатоли Ианкәа-иԥа ԥсабарала иуаҭәашьоу ажәа азҟазара ду.

Агәра згоит дшыҟам аԥсыуак – ауаҩытәыҩса анцәа илеиҵаз ицәгьареи ибзиареи раарԥшра зылшо, угәаҵа аҟынтәи ауаҩра амҩа ҭбаа азҭо уажәеинраала ссирқәа, абзиабара, апатриотизмра, афиласофиа ҵаула рыла иҭәу упроза ирмыԥхьац.

Ажәа азҟазара – уи ҳәарада насыԥ дууп. Аха иҩбангьы, ихԥангьы инасыԥуп уи уажәа ззыуҩуа, иззукуа ахәшьара аназыруа, изыԥсоу анырдыруа.  Ҳәарада уи уара  Анцәа иуаҭәеишьаз анасыԥқәа ируакны иҟоуп.

60 шықәса аԥсуа изы «иижәыша аӡыхь ахы ыҵнамхыцт» ҳәа анырҳәо аамҭоуп. Исҭахуп уԥсҭазаара насыԥла иҭәны, иузгәакьоу, иузааигәо уҩызцәа, уқәлацәа, удырцәа акраамҭа урыгымхарц. Исҭахуп гәыкала иузеиӷьасшьарц агәамч, агәабзиара, ашықәс рацәа, агәалаҟазаара.

Уааҭгыланы ухы уаназхәыцуа, ухы уааҵашьыцратә аҟынӡа аԥеиԥш лаша ҳазшаз иуааҭәеишьааит! Имшхааит узну амҩа!

Ҳаҭырла,

Аԥсны атәылахьчара аминистр В. И. Ануа